"PSJ" etakchisi Zlatan Ibrohimovichning aytishicha, agar Qatar klublaridan biri tajribali hujumchiga har tomonlama foydali shartnoma taklif etsa, u Qatar Yulduzlar Ligasiga ko'chib o'tishi ham mumkin.

"Mavsum so'nggida "PSJ" bilan tuzgan shartnomam o'z nihoyasiga etadi va men erkin agentga aylanaman. Ungacha esa hali olti oy vaqt bor va men ushbu muddat davomida Parij klubiga qo'limdan kelgancha yordam beraman. Ammo keyin nima qilishimni hozir ayta olmayman. Balki faoliyatimni Qatarda davom ettirarman. Ammo oldindan aniq gap aytish qiyin", - deydi Ibrohimovich Goal nashriga.

Bilasiz, ayni paytda jahon futbol yulduzlaridan Xavi Qatarda faoliyat olib bormoqda.