Ispaniyaning Don Balon nashrida yozilishicha, «Barselona» kelasi yozda Markus Reshfordni qo'lga kiritishga urinib ko'radi.

Kataloniyaliklar 19 yoshli hujumchini Luis Suaresga o'rinbosar sifatida ko'rmoqdalar va hujum chizig'ida Messi - Dembele - Reshforddan iborat uchlik qurmoqchilar.

Manbada yozilishicha, «Barselona» futbolchi uchun shunday taklif kiritadiki, «Manchester Yunayted» rad eta olmay qolar ekan.

Markus Reshford o'tgan yilning fevralida Manchesterda debyut qilgandi. So'nggi mavsumda u 52 o'yinda maydonga tushib, 11 gol urgan va 6 golli uzatmani amalga oshirgan.