«Barselona» transfer komissiyasi a'zosi Ariedo Brayda kataloniyaliklar klubi etakchilari borasidagi xabarlarga munosabat bildirdi.

Bundan avvalroq, Andres Inesta «Yuventus»ga ketishi, shartnomasini uzaytirmayotgan Lionel Messi «Manchester Siti»ga yo'l olishi mumkinligi haqidagi xabarlar tarqalgandi. Bu futbolchilar jamoaning transfer siyosatidan norozi ekanliklarini ifoda qilishgan.

«Inesta «Yuventus»ga ketadi deysizmi? Yo'q. Bizning futbolchilar sotilmaydi. Bu gap Messiga ham taalluqli. U – haqiqiy professional va jon dili bilan «Barselona»ni sevadi. Albatta, futbolda hech narsani aniq aytib bo'lmaydi, ammo men Lionel ketadi deb o'ylamayman», – deya klub vakili so'zlarini keltirgan Goal.