"Latsio" hujumchisi Balde Keyta "Monako"ga o'tdi. Senegallik futbolchi Liga-1 jamoasi bilan 5 yillik shartnoma imzoladi. 22 yoshli futbolchi yangi jamoasida 14-raqam ostida o'ynaydi.

Transferning moliyaviy tomonlari ma'lum qilinmayapti, ammo nufuzli nashrlar tarqatgan xabarga ko'ra, Balde uchun "Monako" 30 mln evro to'laydi.

Afrikalik futbolchiga "Yuventus", "Inter", "Milan" va bir qancha xorij jamoalar da'vogarlik qilishgandi.

O'tgan mavsumda Balde Keyta Italiya A seriyasi doirasida 31ta o'yinda maydonga tushib, 16ta gol urdi va 5ta golga uzatma berdi. Keyta undan avvalgi mavsumdagi shaxsiy natijasini deyarli 2 baravar yaxshilashga muvaffaq bo'ldi.

Shu tariqa, "Monako" bir kunda ikki nafar yuqori saviyadagi futbolchilarning transferini e'lon qildi. Bu esa Kilian Mbappe "PSJ"ga o'tishidan darak bermoqda.