«PSJ» klubi mavsum oxirida urugvaylik hujumchi Edinson Kavanini sotib yuborishni rejalashtirmoqda.

Uning o'rniga esa "Arsenal" hujumchisi Aleksis Sanchesni taklif qilmoqchi.

Ma'lumki, 28 yoshli chililik futbolchining "kanonirlar" bilan imzolagan shartnomasi 2018 yil yozigacha amal qiladi. Shundan so'ng, u erkin agent sifatida istalgan jamoasiga o'tishi mumkin.
Sanchesning transferini uning do'sti Neymar ham ma'qullamoqda.

Eslatib o'tamiz, yozda Sanches «Manchester Siti»ga o'tmoqchi edi, biroq transfer amalga oshmay qolgan edi.