Rimning "Roma" klubi hujumkor yarim himoyachi Stefan El-Sha'raviy borasida "Milan" bilan kelishuvga erishdi. Bu haqida Italiya OAVlari xabar bermoqda.

Kelishuvga muvofiq, rimliklar Stefanni ijara asosida o'z tarkibiga qo'shib oladi. Faqat bir shart bilan – kelajakda uni 12 million evroga sotib olish. To'liq transfer futbolchi Rim klubida ma'lum miqdorda uchrashuv o'tkazgandan so'ng amalga oshadi.

Ta'kidlash joiz, mavsum boshida italiyalik futbolchi "Monako" safida ijara asosida harakat qilayotgan edi. Bu jamoada omadi kelmagach, monakoliklar Stefanning xizmatlaridan voz kechishini aytgan.