"Pari Sen-Jermen" klubi navbatdagi shov-shuvli transferni o'z oldiga maqsad qilib qo'ydi.

Parijliklar "Chelsi" klubi tayanch yarim himoyachisi N'golo Kanteni ko'zlashmoqda. "PSJ" yozgi transfer paytida katta xarajat qilganiga qaramay, jamoa markazni kuchaytirishni rejalashtirmoqda. Kantening transferi ustida klub sport direktori Antero Enrike ish boshlab yubordi. Portugaliyalik mutaxassis "Chelsi" futbolchisini 2018 yilning yozida qo'lga kiritmoqchi.

"PSJ" yozda Blez Matyuidi va Gjegoj Krixovyak bilan xayrlashdi, ammo Fabinyuni qo'lga kirita olmadi. Shu bois, Unai Emeri tayanch yarim himoyachilari borasida tanqislikka duch kelmoqda.

Eslatib o'tamiz, "Chelsi" klubi Frantsiya terma jamoasi futbolchisini 2016 yilda 32 million funtga sotib olgandi. Kante 2016/17 yilgi mavsumda APLning eng yaxshi o'yinchisi unvonini qo'lga kiritdi.