«PSJ» hujumchisi Edinson Kavani jamoadoshi Neymar bilan yuzaga kelgan mojaro tufayli Parijni tark etishi mumkinligi haqida xabar berib o'tgandik. Tribalfootball tarqatgan xabarga ko'ra, urugvaylik futbolchi qishki transfer paytida «Manchester Siti»ga o'tishni istamoqda.

Kavani aynan "shaharliklar" safida boshqa klubga nisbatan ko'proq gol urish imkoniyatiga ega bo'lishiga ishonmoqda. Ma'lumotlarga qaraganda, 30 yoshli futbolchi jamoani tark etish niyati borligini "PSJ" rahbariyatiga ma'lum qilgan. Shu bilan birga «Manchester Siti» ham Kavanining transferini amalga oshirishni xohlamoqda.

Manbaga ko'ra, «Real» ham qishki transfer paytida Kavanini qo'lga kiritishdan manfaatdor.