«Barselona» qishki transfer paytida jamoaning hujum chizig'ini kuchaytirishni rejalashtirmoqda.

Avval xabar berib o'tilganidek, kataloniyaliklar «Bayer» yarim himoyachisi Yulian Brandtga qiziqish bildirishmoqda. Undan tashqari, "ko'k-anorranglilar" qo'lga kiritishni rejalashtirayotgan futbolchilar ro'yxatidan «Shalke» yarim himoyachisi Maks Mayer ham o'rin olgan.

«Barselona» «Liverpul» yarim himoyachisi Felippe Koutinoning o'rniga ikki nafar nemis futbolchisining nomzodini ko'rib chiqmoqda. Kataloniyaliklar hali braziliyalik futbolchini qo'lga kiritish g'oyasidan voz kechmadi, ammo Koutinoning transferi amalga oshmay qolishi mumkinligini inobatga olib, boshqa variantlarni izlamoqda.

Mayerning «Shalke» bilan shartnomasi 2018 yilning iyun oyida yakuniga etadi. Transfermarkt portali 22 yoshli futbolchining transferini 14 million evroga baholagan.