"Milan" jamoasining yanvar oyidagi yangi futbolchisi Kevin-Prins Boateng bo'ldi. Bu haqda Football Italia nashri xabar bermoqda.

2015 yilning dekabr oyida Boateng va "Shalke 04" o'zaro kelishuvni bekor qilishdi. Shundan buyon 28 yoshli futbolchi "Milan" mashg'ulotlarida qatnashib kelmoqda. Transfer oynasi ochilganidan so'ng "rossoneri" ganalik futbolchini rasman o'z safiga qo'shib oldi.

Kevin-Prins Boateng 2010-2013 yillar davomida "Milan" safida to'p surgan. 2011 yilda u "rossoneri" tarkibida Italiya chempion bo'lgandi.