“Inter” jamoasi rahbariyati Ukrainaning “Shaxtyor” klubi yarim himoyachisi Bernard xizmatlariga qiziqish bildirmoqda.

“Neradzurri”larning texnik koordinatori Valter Sabatini va sport direktor Pero Auziliolar 25 yoshli futbolchining o'yinlarini kuzatib bormoqda, deb xabar beradi Tuttosport nashri.

Bernardning “Shaxtyor” bilan shartnomasi yaqinlashib kelayotgan yozda yakunlanadi. Oldinroq bu futbolchining xizmatlariga Xitoyning “Jiangsu Suning” tomonidan ham qiziqishlar bo'layotgani haqida ma'lumotlar tarqagandi.