Germaniyaning «Shalke» klubi himoyachisi Felipe Santana yaqin vaqtlar ichida Rossiyaning «Kuban» klubi safiga qo'shilishi kutilmoqda.

«Sport-Ekspress» nashri bergan xabarga ko'ra, 29 yoshli braziliyalik futbolchi «Kuban»da tibbiy ko'rikdan o'tishga ulgurgan. Biroq hozircha shartnoma imzolangani yo'q. Klub rahbariyati bilan uchrashuvda tomonlar shartnomaning moliyaviy taraflarini kelishib olishganidan keyin shartnoma imzolanishi kutilmoqda.

Ma'lumot uchun, Santana joriy mavsumda gelzenkirxenliklar safida birorta uchrashuvda ham maydonga tushmagan.