Londoning “Chelsi” klubi tarkibni kuchaytirish uchun futbolchilarni ko'rib chiqishda davom etmoqda. “Aristokratlar” bu borada APL etakchi jamoalarining futbolchilariga ko'z tikishmoqda. Bu haqda Marca nashri ma'lum qilmoqda.

Manbaning xabar berishicha, londonliklar “Lester” yarim himoyachisi Riyad Mahrez uchun 23 million evro va Kristian Atsuni qo'shib berishga tayyorliklarini bildirishgan. Agar “tulkilar” jazoirlik futbolchi borasidagi murojaatga ijobiy javob bersalar, Mahrez shu oyning o'zida “Chelsi”ga ko'chib o'tadi.

Ma'lumot o'rnida, bu mavsum Riyad Mahrez 21 o'yinda ishtirok etib, 13 marta gol urishni uddaladi.