"Milan" jamoasida ijara asosida to'p surayotgan "Liverpul" hujumchisi Mario Balotelli Premer-ligaga qaytib, "Vest Xem" yoki "Vest Bromvich" sharafini himoya qilishi mumkin, deya xabar beradi Brentwood Gazette.

Xabar qilinishicha, "rossoneri" rahbariyati hujumchi bilan tezda kelishuvni bekor qilishni payiga tushgan, shuning uchun forvard yana Angliyaga qaytishi mumkin. "Liverpul" esa futbolchini qaytarib olish emas, balki uni "Vest Xem" yoki "Vest Bromvich"ga ijara berishni maqsad qilgan.

Balotelli bu mavsum Italiya chempionatida olti (ikkitasida asosiy tarkibda) o'yinda maydonga tushib, bitta golga mualliflik qilgan.