Transfer huquqi “Milan” klubiga tegishli bo'lgan yosh hujumchi Stefan Ash-Sha'roviy Italiyaning boshqa bir jamoasi “Roma” safiga o'tdi.

Rimliklar uni sotib olish huquqi bilan 1,4 million evro evaziga mavsum oxiriga qadar ijaraga oldi.

Keyinchalik “Roma” Ash-Sha'roviyning transfer huquqini 13 million evro evaziga xarid qilish imkoniga ega.

Qayd etish kerakki, rimliklar uni biroz oldin Xitoyning "Xebey Chjuntszi" jamoasiga transfer qilingan Jervinoning o'rinbosari sifatida ko'rishmoqda.

Joriy mavsumda 23 yoshli italiyalik hujumchi “Monako” safida Frantsiya chempionatining 15ta o'yinida maydonga tushgan.