"Shaxtyor" jamoasining braziliyalik yarim himoyachisi Aleks Teysheyra 50 mln evro evaziga Xitoyning "Tszyansu Sunin" klubiga transfer qilindi. Bu haqda Calciomercato nashri xabar bergan.

Bu orqali endi qishki transferlar vaqtidagi eng qimmatbaho transfer amalga oshirildi.

Bundan oldinroq, ushbu futbolchi Angliyaning "Liverpul" jamoasi ham sotib olmoqchi bo'lgani, ammo 26 yoshli bu futbolchi uchun so'ralgan mablag'ga ko'nmagani va 30 mln funtdan ortiq mablag' berishga rozi bo'lmagani xabar qilingandi.

Qayd etish kerakki, bu transfergacha joriy qishki transferlarning eng qimmatbahosi Xitoyning boshqa bir jamoasi "Guanchjou" tomonidan amalga oshirilgandi. Bu jamoa "Atletiko"dan Jekson Martinesni 42 mln evro evaziga xarid qilgandi.