«Barselona» darvozaboni Mark-Andre ter Shtegen yozda klubni tark etishi mumkin.

Kataloniyaning Sport.es sayti tarqatgan xabarga ko'ra, germaniyalik darvozabon kam o'yin amaliyotiga ega bo'layotganidan norozi. Ter Shtegen jamoadagi holatiga aniqlik kiritib olish maqsadida klub rahbariyati bilan uchrashuv so'radi.

Mark-Andre kelasi mavsumda jamoaning asosiy darvozaboniga aylanmasa, u katta ehtimol bilan kamida ijara asosida «Barselona»ni tark etadi.

Kataloniyaliklar ter Shtegenning kelajagiga ishonishadi, biroq hozirda Klaudio Bravoni jamoaning asosiy darvozaboni deb hisoblashadi.