Kataloniyaning “Barselona” klubi hujumchisi Neymarning bozori chaqqon chiqib qoldi. Uni dastlab “Real” o'z tarkibiga qo'shib olish uchun jiddiy kurashayotgani va braziliyalik forvard uchun 190 million evro berishi mumkinligi xabar berilgandi.

Bugun esa Neymar uchun kurashga Angliyaning “Manchester Yunayted” va “Manchester Siti” kabi klublari qo'shilishgan. The Sun nashrining ma'lum qilishicha, manchesterlik “oliftalar” “Barselona” futbolchisi uchun yiliga 60 million evro berishga tayyorliklarini bildirishgan. 
Ma'lumot o'rnida, bir necha kun oldin Neymar Gvardiola bilan bir jamoada ishlash niyati borligini bildirgandi. Agar yozda “Manchester Siti”ga Pep keladigan bo'lsa, hujumchi shaharliklar variantini o'ylab ko'rishi ham mumkin.