Joau Feliks yozda "Galatasaroy"ga o'tishi mumkin.

Turkiyaning Sporx nashri xabariga ko'ra, yarim himoyachining agenti Jorje Mendesh "Chelsi"ga futbolchi 2025 yilning yozida turk klubiga o'tishdan manfaatdor ekanini aytgan. "Galatasaroy" Feliksni sotib olish optsiyasi bilan ijaraga olmoqchi, biroq uning mavsumiga 9 million evrolik maoshini to'liq qoplashga tayyor emas.

O'z navbatida, "Chelsi" yarim himoyachini majburiy sotib olish yoki sotish bo'yicha kelishuvni talab qilmoqda.

Mendeshning "Galatasaroy" rahbariyati bilan dastlabki muzokaralar o'tkazgani xabar qilingan.