Turinning "Yuventus" klubi hujumchisi Dushan Vlaxovich yana Londonning "Arsenal" klubi e'tiboriga tushdi.

Todofichajes portali xabariga ko'ra, "kanonirlar" serbiyalik hujumchining transferi bo'yicha rasmiy taklif tayyorlamoqda. Taxminlarga ko'ra, 60 million evro Dushanning London jamoasiga o'tishini ta'minlash uchun etarli bo'lishi kerak.

Vlaxovich va "keksa sinora"ning amaldagi shartnomasi 2026 yilning yozida yakuniga etadi. Italiya chempionatining joriy mavsumida hujumchi 22ta o'yinda ishtirok etgan. Dushan 9 ta gol urdi va bitta golli uzatmani amalga oshirdi.