Hujumchi Viktor Osimxenga Saudiya Arabistoni chempionatidagi klublar qiziqish bildirmoqda. Shu bilan birga, futbolchining vakillari saudiyaliklarga Osimxenning kelasi mavsumda Angliya Premer-ligasida o'ynash istagi borligi haqida allaqachon ma'lum qilishgan. Bu haqda TBR Football xabar bermoqda.

Qayd etilishicha, Osimxen Ruben Amorim shogirdlari Chempionlar ligasi yo'llanmasini qo'lga kirita olmasa ham, "Manchester Yunayted"ga o'tishga tayyor bo'ladi. Viktor Osimxen hozirda "Galatasaroy"da ijara asosida o'ynamoqda. 26 yoshli nigeriyalik futbolchining huquqlari "Napoli"ga tegishli. 2024/2025 yilgi mavsumda Osimxen 30 ta o'yin o'tkazib, 26 ta gol urgan.

Avvalroq, Osimxen "MYu"ga faqatgina "qizil iblislar" EChLga yo'llanma olsagina o'tishi mumkinligi haqida xabarlar tarqalgandi.