"Manchester Yunayted" "Ipsvich" hujumchisi Liam Delapga qiziqishni kuchaytirdi.

Rasmus Xyoylund va Joshua Zirkzeedan gol kutishdan charchagan “Manchester Yunayted” yozgi transfer oynasida sermahsul hujumchi olib kelmoqchi.

Joriy mavsumda Premer-ligada 10 ta gol urgan Delap yanada real variantga aylandi. Agar "Ipsvich" Chempionshipga tushib ketsa, "MYu" 22 yoshli ingliz futbolchisini 40 million funtga sotib olish mumkin.

Daily Mail xabariga ko'ra, "MYu" rahbarlari Delapning ehtimoliy transferini faol muhokama qilmoqdalar. Liamga "Chelsi", "Liverpul", "Nyukasl" va Liamning sobiq klubi "Manchester Siti" ham qiziqish bildirmoqda.