"Lion" hujumchisi Rayan Sherkiga "Manchester Yunayted" qiziqish bildirmoqda. Bu haqda TBR Football xabar bermoqda.

"Qizil iblislar" rahbarlari futbolchi va uning o'yinlarini diqqat bilan kuzatib borishmoqda. 21 yoshli Sherki vinger bo'lib, u klubning "Lion" akademiyasi tarbiyalanuvchisi sanaladi.

Joriy mavsumda frantsiyalik futbolchi "Lion" safida barcha musobaqalarda 35 ta o'yin o'tkazdi. Ularda u raqiblar darvozasiga 8 ta gol urdi va 18 ta golli uzatmani amalga oshirdi. Transfermarkt Rayanni 35 million evroga baholamoqda.

"Lion" Liga 1 doirasidagi evrokuboklar yo'llanmasi uchun kurashmoqda, ayni damda "taqachi"lar turnir jadvalida 7-o'rinda va 45 ochkoga ega.