Turkiyaning "Galatasaroy" klubi hujumchisi Viktor Osimxen yozda "Chelsi"ga o'tmoqchi.

Osimxen o'tgan yozda deyarli "Chelsi"ga o'tgandi, biroq "ko'klar" muddatidan avval "Napoli" bilan kelishuvga erisha olishmadi, natijada Viktor "Galatasaroy"ga ijaraga berildi.

Osimxen "Galatasaroy"da ustunlik qilmoqda. 32 o'yinda 28 ta gol urib, 5 ta golli uzatmani amalga oshirgan 26 yoshli nigeriyalik futbolchi jahon futbolidagi eng yaxshi hujumchilardan biri sifatidagi obro'sini tikladi.

"Chelsi" hamon to'purar izlashda davom etmoqda va Football Transfers eksklyuziv materialida London klubi Osimxenga bo'lgan qiziqishni qayta tiklashga tayyorligini ta'kidlamoqda.

So'nggi bir yil ichida Osimxenning o'zi ham "Chelsi"ga o'tish istagini yo'qotmagan. Boshqa variantlarning ko'pligiga qaramay, Viktor "ko'k" ni afzal ko'radi.