“Ливерпуль” ҳужумчиси Марио Балотелли “Милан”га кўчиб ўтишга жуда яқин турибди, деб ёзмоқда Corriere dello Sport га таяниб Sports.ru.

Бугун 25 ёшли форвард трансфер олдидан тиббий кўрикдан ўтиш учун Брешия шаҳрига келган.

Аввал “россонерилар”нинг “СуперМарио”ни 3 миллион евро эвазига бир мавсумга ижарага олиши ҳақида хабар тарқалганди.

Шунингдек, “Милан” мавсум якунлангач Балотеллини 18 миллион евро товон пули эвазига сотиб олиш ҳуқуқига ҳам эга бўлади.