FIFA Shveytsariyaning Syurix shahridagi Baur au Lac mehmonxonasiga yuqori martabali mehmonlarini joylashtirishni to'xtatadi.
Endilikda, FIFA amaldorlari boshqa bir 5 yulduzli mehmonxona, Baur au Lac yonidagi Park Hyatt mehmonxonasida yashashadi. Bu haqda The Wall Street Journal xabar bergan.
Tashkilot buni iqtisod qilish bilan izohlagan.
Ammo nashrda qayd yetilishicha, bu qaror ushbu mehmonxona bilan bog'liq «noxush xotiralar» tufayli qabul qilingan.
O'tgan yilning mayida FIFAning 9 nafar amaldori aynan shu mehmonxonada korruptsiyada ayblanib, hibsga olingandi.
Bu ish keyinchalik FIFA tizimini o'zgartirib yuborgan futbol tarixidagi muhim hodisaga aylandi.
Ayni vaqtda 42 nafar amaldor korruptsiyaga aloqadorl hisoblanadi. Sud jarayoni 2017 yilning oxirida bo'lib o'tishi mumkin.