Kirish | A'zo bo'lish

Bahraynda davom etayotgan yoshlar o'rtasidagi Osiyo Chempionatida o'z guruhi peshqadamligini muddatidan avval hal qilgan O'zbekiston terma jamoasi chorak finalda Eronga qarshi o'ynaydi.

«S» guruhining 3-turidan keyin eronlik yoshlar ikkinchi o'rinni egalladi. 3-turda Eron yoshlari Yamanni kichik hisobda engdi. Avvalgi 2 turda Eron Qatar va Yaponiyaga qarshi bahslarda 1:1 va 0:0 hisoblaridagi duranglarni qayd etgandi.

3-turning ikkinchi o'yinida yaponiyalik futbolchilar Qatarni taslim qildi — 3:0. Shu tariqa, Yaponiya 7 ochko bilan 1-o'rinni egalladi.

Endi Eron guruhdagi ikkinchi jamoa sifatida chorak finalda Jasur Abduraimov rahbarligidagi O'zbekiston yoshlariga raqib bo'ladi.

Bu o'yinda nafaqat yarimfinal, balki JCh-2017 yo'llanmasi taqdiri ham hal qilinadi.

Eslatib o'tamiz, O'zbekiston yoshlari «D» guruhidagi so'nggi turni 21 oktyabr kuni Xitoyga qarshi o'tkazadi. Bu uchrashuv natijasidan qat'i nazar O'zbekiston birinchi o'rinni egallab bo'lgan.

Osiyo Chempionati—U19

«C» guruhi. 3-tur

20 oktyabr

Yaman — Eron 0:1

Gol: Abolfayz Razzohpur, 45 (0:1).

Qatar — Yaponiya 0:3

Gollar: Yuto Ivasaki, 14 (0:1). Miyoshi Koji, 45 (0:2). Tomiyasu Takehiro, 62 (0:3).

— deya xabar beradi Tribuna nashri.

Do`stlarbilan baxam ko`rish: