Kirish | A'zo bo'lish

Hozirda «Manchester Siti» jamoasi bosh murabbiyi sifatida ishlayotgan Xosep Gvardiolaning biografiyasi bo'lmish «Evolyutsiya» kitobini yozgan Marti Perarnau o'tgan mavsumda Madridning «Real» klubi ushbu mutaxassisni ishga taklif qilgani haqida ma'lum qildi. Uning aytishicha, madridliklar rahbariyati Rafael Benitesning o'rniga avvaliga Xosep Gvardiolani olib kelmoqchi bo'lgan.

«Qachonki, Benitesning «Real»da qolmasligi aniqlasha borganida, ular Pep bilan qiziqishgan. Shu vaqtda Gvardiola ham «Bavariya»dan ketish harakatiga tushgandi.

Vakillar Gvardiolaga bu haqda ma'lum qilishgan, ammo u «Manchester Siti» bilan kelishib qo'ygani va boshqa hech qanday taklifni ko'rib chiqmasligini aytgan», – dedi Perarnau o'z kitobi taqdimotidan keyin La Sexta nashriga bergan intervyusida.

Eslatib o'tamiz, Benites «Real»dan 2016 yilning 4 yanvarida iste'foga chiqarildi va uning o'rniga shu kunning o'zidayoq Zaynidin Zidan jamoa bosh murabbiyi sifatida tanishtirildi.

— deya xabar beradi Tribuna nashri.

Do`stlarbilan baxam ko`rish: