Kirish | A'zo bo'lish

Tajribali darvozabon Alisher Ahmedov bu yil ham Maldiv chempionatida to'p surdi. U o'tgan yili ushbu jamoada o'ynagan va chempionlikga erishgan edi. 2016 yilning ikkinchi davrasida ham klub Ahmedovni jamoaga chaqirdi. Natijada, u bu klub sharafini himoya qilib keldi. Jamoa bilan mavsumni 3-o'rinda tugatdi. Chempionat yakunlari va oldiga qo'ygan rejalari borasida Ahmedov Tribuna.uz saytiga intervyu berdi. 



"Ikkinchi davra oldidan klub rahbariyati men bilan aloqaga chiqib, jamoaga yordam berishimni so'rashdi, - deb gap boshladi Ahmedov. Aslida ular menga qishdayoq taklif bilan chiqqan edi. OFK Kubogida ishtirok etishi oldidan darvozabonlar borasida muammoasi bor ekanini aytishdi. Biroq mening oldimda Gruziya klubidan taklif bo'lgani uchun ham bu taklifni qabul qilmagandim. 

"Nyu Radiant" o'tgan yili Maldiv chempioni bo'lgan edi. Bu yil esa jamoa mavsumni uchinchi o'rinda yakunlandi. Bunga nima sabab bo'ldi?

"Jamoada o'tgan yilda o'ynagan 10 nafar terma jamoa a'zolaridan 8 nafari boshqa jamoaga ketib qoldi. Asosan zaxirada qolib ketgan yoshlar to'p surdi.  Bu ham natijalarga ta'sir qildi. Shu sababli natijalarda pasayish kuzatildi. Shu tariqa mavsumni "Maziya" chempion sifatida yakunladi. Ikkinchi o'rinni esa "TS Yunayted" qo'lga kiritdi. Uchinchi o'rinni esa biz oldik. 

"Bu yil jamoa sizga qanday sharoitlar yaratib berdi?

"Alohida uy, mashina kabi menga kerak bo'lgan barcha narsalarni yaratib berdi. Klubda sharoit yaxshi. 



"Endilikdagi rejalar qanday?

"Hozircha biror nima deya olmayman. Hammasini vaqt ko'rsatadi. Shu o'rinda "Nyu Radiant" jamoasini hindistonlik millionerlardan biri sotib olibdi. Klub kelgusi yilda batamom boshqacha bo'larkan. Sharoitlar yaxshilanar ekan. 

— deya xabar beradi Tribuna nashri.

Do`stlarbilan baxam ko`rish: