Kirish | A'zo bo'lish

Iordaniya terma jamoasi bosh murabbiyi Abdulla Abu Zim'a O'zbekiston (0:1) terma jamoasiga qarshi kechgan o'rtoqlik o'yindan so'ng uyushtirilgan matbuot anjumanida o'yin borasidagi fikrlarini bilan o'rtoqlashdi. Bu haqda O'FF matbuot xizmati xabar berdi. 

"Avvalo, O'zbekiston terma jamoasini g'alaba bilan tabriklayman. Umuman olganda, har ikkala jamoa holati turlicha. O'zbekiston JCh-2018ga borish uchun da'vogar bo'lib turibdi, tayyorgarligi  shunga yarasha, doimiy ravishda yig'inlar va rasmiy o'yinlar o'tkazyapti.

 Iordaniya yesa yangi tayyorgarlik bosqichini boshladi. Jamoamiz avlodlar almashuvi jarayonini o'tkazmoqda.

4 kun ichida ikkinchi o'yinda maydonga tushdik. Iroq bilan (0-0) durang o'ynagan yedik. Aynan shu tarkibdan yana foydalandik. Jamoamiz futbolchilari hali yosh, ularni tajriba orttirib olishi uchun jalb qilgandik.

Shunga qaramay, biz O'zbekiston bilan raqobatlasha oldik va ba'zi holatlarda ularga nisbatan xavfliroq ham o'ynadik.

 O'zbekiston o'z vaziyatidan foydalanib, darvozamizni ishg'ol qildi va g'alaba qozondi. O'ylashimcha, bugungi o'rtoqlik o'yinidan har ikkala terma jamoa ham tajriba orttirib oldi” – deydi Abdulla Abu Zim'a.

 

— deya xabar beradi Tribuna nashri.

Do`stlarbilan baxam ko`rish: