Kirish | A'zo bo'lish

Germaniyalik yarim himoyachi Mesut O'zilning vakillari Angliya chempionatida yuzaga kelgan tanaffusdan foydalangan holda «Arsenal» bilan shartnomani uzaytirish borasida muzokara o'tkazishdi.

Mirror nashri xabariga ko'ra, londonliklar klubi rahbariyati uni jamoada olib qolmoqchi va maoshini haftasiga 200 ming funt qilib belgilamoqchi. Agar bu ish amalga oshadigan bo'lsa, u klubda yeng ko'p maosh oluvchi futbolchiga aylanadi.

Ayni paytdagi shartnomaga ko'ra, O'zil haftasiga 140 ming funt miqdorida maosh olmoqda. Uning amaldagi shartnomasi muddati 2018 yilning yoziga qadar davom yetadi.

Futbolchi Londonda o'zini baxtiyor his qilmoqda va yaqinda 10 mln funtga yangi uy sotib olgandi.

Bundan avvalroq, u bilan «Manchester Yunayted» jamoasi qiziqayotgani haqida xabarlar tarqalgandi. Transfer bozorida O'zilning transferi 50 mln yevroga baholangan.

— deya xabar beradi Tribuna nashri.

Do`stlarbilan baxam ko`rish: