Kirish | A'zo bo'lish

Ispaniyaning "Real" jamoasi Angliyaning "Arsenal" jamoasiga uelslik futbolchi Aaron Remzining transferi borasida taklif bermoqchi. Angliyadagi The Sun tabloidi ma'lumotiga ko'ra, madridliklar bu futbolchi uchun 25 mln funt to'lashga tayyor.



Qayd yetilishicha, "Real" bosh murabbiyi Zaynidin Zidan Garet Beylning yoniga uning Uels terma jamoasidagi sherigini olib kelishni istamoqda. "Real" Remzining maoshini ham oshirib berishga tayyor, uning ingliz jamoasidagi hozirgi haftalik maoshi 90 ming funtn tashkil qiladi.

Futbolchining "Arsenal" bilan amaldagi shartnomasi muddati 2018 yilning yoziga qadar tuzilgan.

Remzi va Beyl Uels terma jamoasi bilan shu yilning yozida Frantsiya maydonlarida o'tkazilgan Yevropa chempionati qahramonlariga aylangan, terma jamoa turnir yarim finaliga qadar yetib borgandi. 5ta uchrashuvda Remzi bir gol urib, 4ta golli uzatma muallifiga aylangan hamda turnirning ramziy terma jamoasi tarkibidan joy olgandi.

Joriy mavsumda Remzi jarohat tufayli "Arsenal"ning atigi 4 uchrashuvida ishtirok yetdi.

— deya xabar beradi Tribuna nashri.

Do`stlarbilan baxam ko`rish: