Kirish | A'zo bo'lish

O'zbekiston chempionligini muddatidan oldin rasmiylashtirgan «Lokomotiv» Oliy liganing 29-turi doirasida «Metallurg»ni qabul qildi. 

Birinchi bo'lim o'rtalarida tashkil etilgan chiroyli kombinatsiya natijasida mezbonlar vakili Oleg Zoteev darvozabon bilan birga-bir vaziyatga chiqdi va imkoniyatdan samarali foydalandi - 1:0.

36-daqiqada Sadriddin Abdullaev tomonidan 16 metrlardan yo'llangan zarbani Suhrob Sultonov qaytara olmadi - 2:0. 

Ikkinchi bo'limda zaxiradan maydonga tushgan Marat Bikmaev darvozabonning xatosidan keyin yaqin masofadan turib darvozani ishg'ol qildi - 3:0. 

Bahs tugashiga 3 daqiqa qolganida Oliy liga-2016 to'purari bo'lib turgan Temurxo'ja Abduxoliqov qarshi hujumda markaziy himoyachini aldab o'tdi va kuchli zarba bilan darvozani ishg'ol qildi - 4:0.

To'purarlar ro'yxatida ikkinchi o'rinda borayotgan Zohid Abdullaev ham o'z hisobiga bitta gol yozdi. O'yinga qo'shib berilgan daqiqalarda himoyachilarning xatosidan foydalangan mavsumdagi 18-golni urishga muvaffaq bo'ldi - 4:1. 

Shu tariqa, toshkentliklar chempionlikdan keyingi ilk o'yinda yirik hisobda g'alaba qozonishdi. O'yindan keyin «Lokomotiv»ni chempionlik bilan taqdirlash marosimi bo'lib o'tdi. Kubokni O'zPFL bosh direktori Farhod Magametov topshirdi. 

«Lokomotiv» - «Metallurg» - 4:1

Gollar: Oleg Zoteev (24), Sadriddin Abdullaev (36), Marat Bikmaev (69), Temurxo'ja Abduxoliqov (88) — Zohid Abdullaev (90+2)

Chetlatish: Ikrom Aliboev (90)

Lokomotiv: 12.Ma'mur Ikromov, 4.Bobur Yo'ldoshev, 5.Kaxi Maxaradze, 7.Sadriddin Abdullaev (Sanjar Shoahmedov 59), 11.Temurxo'ja Abduxoliqov, 13.Nemanya Yanichich, 17.Salim Mustafoev (Sherzod Fayziev 70), 18.Temur Kapadze, 28.Ikrom Aliboev, 33.Oleg Zoteev, 71.Artur Gevorkyan (Marat Bikmaev 52)

Metallurg: 32.Suhrob Sultonov, 4.Hikmat Hoshimov, 6.Dilmurod Karimov (Muhammadodil Qahramonov 62), 7.Doniyor Odilov, 8.Ayubxon No''monov (Farhod Namozov 71), 13.Javohir Esonqulov, 14.Davron Karimqulov, 15.Zohid Abdullaev, 17.Mirg'iyos Sulaymonov, 22.Murodjon Toshmatov, 70.Jahongir Abdumo'minov (Ergash Ismoilov 76).

— deya xabar beradi Tribuna nashri.

Do`stlarbilan baxam ko`rish: