Kirish | A'zo bo'lish

«Real Sosedad» va «Barselona» Ispaniya Primerasining 13-turida mehmonda o'zaro uchrashib, murosa qilishga majbur bo'lishdi. San-Sebastyandagi «Anoeta» satidonida bo'lib o'tgan o'yin 1:1 hisobi bilan yakunlandi.

53-daqiqada Aser Ilyaramendi Karlos Velega to'pni oshirdi, u chap qanotdan jarima maydoni markaziga kirib, darvoza tomon zarba berdi. Darvozabn Mark-Andre ter Shtegen o'z mahoratini namoyish yetgan bo'lsa-da, uning qaytargan to'pi Villian Jozega kelib tushdi va u darvoza burchagini nishonga olishda xato qilmadi. 

Oradan 6 daqiqalar o'tgach, Neymar jarima to'pini Lionel Messiga oshirdi, u yesa darvozaning uzoq past burchagini aniq nishonga olib, javob to'pini kiritdi. 

Shunday qilib, 27 ochko to'plagan «Barselona» «Sevilya» bilan ikkinchi o'rinni baham ko'rmoqda hamda o'zining azaliy raqibi «Real» olti ochko ortda qolayapti. Beshinchi o'rinda borayotgan «Real Sosedad» hisobida 23 ochko bor. 

Ispaniya - Primera. 13-tur

Real Sosedad (San-Sebastyan) – Barselona (Barselona) – 1:1

Gollar: Joze, 53 (1:0); Messi, 59 (1:1).

Ogohlantirishlar: Martines, 62; Surutusa, 89 – ter Shtegen, 22; Maskerano, 55; Suares, 84; Alba, 90+3.



 

— deya xabar beradi Tribuna nashri.

Do`stlarbilan baxam ko`rish: