Kirish | A'zo bo'lish

Braziliyaning "Shapekoense" jamoasi himoyachisi Xelio Samper Neto ham Kolumbiyadagi aviahalokatdan omon qolgan. U halokatdan omon chiqqan oltinchi kishi yekani aytilmoqda. Bu haqda Telemedellin tvitterida ma'lum qilindi.

29 noyabrga o'tar kechasi 72 yo'lovchi, jumladan "Shapekoense" jamoasi futbolchilarini olib uchgan samolyot Kolumbiyada halokatga uchradi. Jamoa Medelin shahriga Janubiy Amerika Kubogining birinchi finalida "Atletiko Nasonal"ga qarshi o'yinda ishtirok yetish uchun yo'l olgandi. Laynerda jami 81 kishi bo'lgan.

Bundan oldingi xabarlarda 76 kishining halok bo'lgani aytilgandi. Omon qolganlar "Shapekoense" futbolchilari Alana Rushel, Markos Danilo va Jekson Folman, hamda reys styuardessasi Ximena Suares va braziliyalik jurnalist Rafael Xentsel yekani aytildi. Keyinroq jamoa darvozaboni Markos Daniloning shifoxonada joni uzildi.

Fuqarolik aviatsiyasi matbuot xizmati xabariga ko'ra, aviatexnik Yervin Tumeri ham halokatdan omon chiqqan.

Omon qolganlar yana bor bo'lishi mumkinligi aytilmoqda.

— deya xabar beradi Tribuna nashri.

Do`stlarbilan baxam ko`rish: