Kirish | A'zo bo'lish

Madridning «Real» jamoasi bosh murabbiyi Zaynidin Zidan «Barselona»ga qarshi 3 dekabr oqshomida bo'lib o'tadigan bahs oldidan tashkillashtirilgan matbuot anjumanida ishtirok yetib, jurnalistlarning savollariga javob qaytardi.

– Bizni juda qiyin o'yin kutmoqda. Ammo boshqa tomondan qaraganda, buni normal qabul qilish lozim, chunki «Barselona» dunyoning yeng kuchli jamoalari sirasiga kiradi. «Real» bu o'yinga yaxshi tayyorgarlik ko'rdi. Odamlar tomoshabop o'yin ko'rishni istashadi, ammo biz xotirjamlik va kontsentratsiyani saqlab qolishimiz lozim.

– Sizni durang qoniqtiradimi?

– Biz o'yinni yaxshi o'tkazishni istaymiz. Yeng asosiysi  – g'alabani mo'ljal qilishimiz kerak, bu maqsaddan to'xtasak, yutqazishimiz tayin.

– «Yil murabbiyi» bo'lish uchun nomzodlar qatoriga kirganingizga qanday munosabatdasiz?

– Men har kuni nimadir o'rganishga harakat qilaman. To'g'risini aytsam, men hali bu maqomga munosib yemasman, murabbiylikda hali tajribam ko'p yemas. Bu dunyoda bu mukofot uchun loyiq kishilar juda ham ko'p. Men o'zim hali o'sishda davom yetishim kerakligini yaxshi bilaman. Men o'z ishimdan rohat olaman va o'rganishda davom yetaman.

– «Real»ning «Barselona»ga qarshi o'tgan mavsumdagi o'yinini yeslaylik. O'shanda jamoa sizning boshqaruvingizda g'alaba qozongandi.

– Bu butunlay boshqa o'yin. Biz o'shanda Barselonaga favorit sifatida yo'l olmaganmiz. Hozirda barchasi o'zgacha. Bu o'yinni yesdan chiqarib turishimiz kerak. Ammo, albatta, men jamoa o'yinga o'sha o'yindagidek tayyor holatda bo'lishini istayman.

– Karim Benzemaning o'yinlari haqida nima deysiz?

– Barcha yaxshi biladiki, u jamoada muhim vazifalarni bajaradi. U maydonga chiqadi va hujum chizig'i uchun keng imkoniyatlar hosil bo'ladi. Benzema va Ronaldu kabi yigitlar hujumning istalgan nuqtasida yerkin harakatlana olishadi. Shunday yekan, Benzema faqat foyda keltirmoqda, deyishim mumkin.

– Lionel Messiga qarshi chora o'yladingizmi?

– Jamoamizga ochko kerak. Hozir «Real» «Barselona»dan 6 ochko oldinda, ammo bu bo'shashish mumkin degani yemas. Biz Messi kimligini va u nimalarga qodirligini juda yaxshi bilamiz. U dunyodagi yeng kuchli futbolchilardan biri. O'yin uchun reja ishlab chiqqanmiz, Lionelga o'z o'yinini ko'rsatish uchun imkon bermaslik kerakligini bilamiz.

– O'yin qanday hisobda yakunlanadi deb o'ylaysiz?

– O'yinda nimalar bo'lishini bilmayman. Keling, o'yin boshlanishini kutamiz. Bizning vazifamiz – g'alaba. «Real» prognozlar bilan ish qilmaydi. Oldindan bashorat qilish yaxshi yemas. Bizda yaxshi futbol namoyish yetish uchun 90 daqiqa bo'ladi.

– «Real» prezidenti Florentino Peres aytgandiki, qolgan hayotingizni Madridda o'tkazasiz. Bu to'g'rimi?

– Ha, men shu shaharda butunlay qolishni istayman. Chunki, bu shaharda o'zimni juda yaxshi his qilaman. Umuman, menga butun Ispaniya yoqadi. Bu yerda menga hamisha iliq munosabatda bo'lishgan. Men mashhur futbolchi yekanimda bu shaharda hammaning ye'tiborida yedim. Yendi murabbiy sifatida shunday bosim bilan yashayapman.

– «Barselona»ning joriy mavsumdagi o'yinlarini qanday baholaysiz?

– Men boshqa jamoalar haqida o'ylamayman. Aytishim bo'lgani shuki, bunday klub istalgan raqib uchun muammolar tug'dira oladi. Bu o'yin oldidan favorit yo'q. Imkoniyatlar 50ga 50.

– «Real»ning murabbiylar shtabi qanday reja tuzishga? Siz ko'proq hujumda o'ynaysizmi yoki ko'proq himoyalanasizmi?

– Unisiyam yemas, bunisiyam yemas. Yeng asosiysi – maydonga yaxshi ruhiyat bilan tushish. Bu zaxira o'rindig'idagilarga ham taalluqli.

– «Real» bu mavsumda mag'lubiyat neligini bilmay kelmoqda…

– Buning hayron bo'ladigan joyi yo'q. Biz mashg'ulotlarga jiddiylik bilan yondashmoqdamiz. Qolaversa, «Real»da dunyoning yeng zo'r futbolchilari to'p suradi. Ularning barchasi haqiqiy professionallar. Bizda sovrinlar yutish uchun imkoniyatlar ko'p. Sizning hayratingizni to'g'ri tushunaman, ammo men bunga ye'tibor bermaganim ma'qul. Ha, bu ham bir yutuq. Bularning hammasi qat'iyatimiz yevaziga.

— deya xabar beradi Tribuna nashri.

Do`stlarbilan baxam ko`rish: