Kirish | A'zo bo'lish

Madridning “Atletiko” futbol klubi hujumchisi Antuan Grizmann 2016 yilgi “Oltin to'p” mukofotiga ovoz berish jarayonida uchinchi o'rinni yegalladi. Frantsiyalik bu holat yuzasidan o'z fikrlarini bildirib o'tdi. U mukofot yegasiga aylangan portugaliyalik Krishtianu Ronaldudan zavq olishini aytib o'tgan.

“Men uchun bu katta sharaf, juda ham cheksiz quvonch va kutilmagan holat bo'ldi. Uchlikda bo'lishning o'ziyoq katta baxtdir. Menga ovoz bergan barchaga o'z minnatdorchiligimni bildiraman. O'ylashimcha, to'g'ri yo'nalishda ketayapman va ko'proq ishlashim lozim.

Messi va Ronaldu — bu ikki afsonadir. Ulardan keyingi pog'onani band yetish – bu sharaf va yoqimli hisdir. Ko'proq gol urish, ishlash kerak. Ishqibozlarga yoqimli tuyg'ularni taqdim yetishda davom yetish kerak”, - deya Grizmanning so'zlarini keltiradi Goal.

Eslatib o'tamiz, Ronaldu faoliyati davomidagi to'rtinchi mukofotni qo'lga kiritdi. Portugaliyalik “Oltin to'p”lar soni bo'yicha faqatgina Messidan ortda qolmoqda.

 

— deya xabar beradi Tribuna nashri.

Do`stlarbilan baxam ko`rish: