Kirish | A'zo bo'lish

Argentinaning televidenie va radioeshittirish sohasidagi yeng yirik kompaniyalaridan biri Torneos y Competencias 122 million dollar jarima to'laydi. Bu holat uning FIFA sobiq yuqori lavozimli amaldorlari bilan noqonuniy kelishuvlarda ishtirok yetgani sabab ro'y berdi.

AP’ning xabar berishicha, firma xodimlari FIFA vakillariga pora berganliklarini tan olishgan. Torneos y Competencias 2018-2030 yillardagi jahon chempionatlari uchrashuvlari translyatsiya huquqini olish uchun o'nlab million dollar bergan.

O'tgan yili firma sobiq bosh direktori Alexandro Burzako o'z aybini tan oldi. Shu bilan bir qatorda, u FIFAning bir necha yuqori amaldorlarini yirik musobaqalar translyatsiya huquqlarini qayta sotish bo'yicha noqonuniy sxema tashkil yetishda ham ayblagan.

Ma'lumot uchun, FIFA tarixidagi yeng yirik mojaro 2015 yilning may oyi oxirlarida ro'y berdi. O'shanda Syurixdagi mehmonxonada AQSh talabiga ko'ra mahalliy politsiya tomonidan tashkilotning yetti nafar yuqori lavozimli amaldori korruptsiyada gumonlanib qo'lga olingandi.

Amerika Adliya vazirligi ma'lumotlariga ko'ra, gumondorlar 24 yil davomida 150 million dollardan ortiq porani qo'lga kiritishgan.

 

— deya xabar beradi Tribuna nashri.

Do`stlarbilan baxam ko`rish: