Kirish | A'zo bo'lish

17 dekabr kuni Angliya premer ligasining 17-turiga start beriladi. Tribuna.Uz odatga ko'ra Yevropaning yeng tomoshabop chempionati anonsi bilan tanishtirib o'tadi.

KRISTAL PELAS — ChELSI (17 dekabr, 17:30, UzReport, Match! Futbol 1)

«Kristal Pelas» mavsumni juda yomon o'tkazayotganini hisobga olsak, «Chelsi» Premer-Ligadagi o'zining ketma-ket 11-g'alabasini qo'lga kiritishiga ishonishi mumkin. «Burgutlar»ning muvaffaqiyatsizligiga qo'shimcha ravishda jamoa asosiy tarkibidan faqatgina 13 nafar futbol sog' holatda yekanini ham yeslatib o'tish joiz. «Ko'klar» «Pelas» mehmonida 6 uchrashuvda 6 g'alabani qo'lga kiritgan. Chempionatdagi shu davr mobaynida birorta gol ham o'tkazib yubormagan.

«Kristal Pelas» lazaretida Matyo Flamini, Jeyms Tomkins, Konnor Uikxem, Bakari Sako, Loik Remi, Pap Suare va Stiv Mandandalar qolmoqda. Jeyson Panchon yesa diskvalifikatsiya qaytdi.  «Chelsi»da Yeden Azar jarhatidan tuzalib safga qaytgan, biroq Konte to'liq tiklanib olishi uchun unga dam berishi ham mumkin.

MIDLSBRO — SUONSI (17 dekabr, 20:00)

«Midlsbro» Premer-Ligada gol kiritishga yeng qiynalayotgan jamoa bo'lib turibdi — 16 uchrashuvda 13 gol. Ammo «Suonsi» ham himoyadagi o'yini bo'yicha ligadagi yeng yomon ko'rsatkichlardan birini qayd yetib turibdi. Ikki jamoa ham ligada qolish uchun kurash olib borishmoqda va bu yo'lda qo'lga kiritiladigan ochko qanchalik muhim yekanini yaxshi bilishadi. Jamoalar so'nggi marta chempionat doirasida 1982 yilda ro'baro' kelishgan.

«Midlsbro» Jorj Frend va Gaston Ramireslarning holatini aniq bilishi kerak, ammo Kalum Chembers aniq sog'ayib bo'lgan. Kristian Stuani yesa jamoaga yordam bera olmaydi. «Suonsi» lazaretida Federiko Fernandes va Ki Sung Yong qolmoqda.

STOK SITI — LESTER (17 dekabr, 20:00)

So'nggi ikki turda faqatgina bir ochko qo'lga kiritgan «Stok»ning holatini yaxshi deb bo'lmaydi. Biroq «Lester» ham ajabtovur o'yinlar ko'rsatishda davom yetmoqda. «Manchester Siti» ustidan qozonilgan super g'alabadan (4:2) keyin «Bornmut»ga imkoniyat boy berib qo'yildi. Ikkala jamoaning Stokdagi o'tgan yilgi uchrashuvida mezbonlar 2:0 hisobida oldinga chiqib olgan bo'lsada, durang bilan tugagandi - 2:2.

«Stok» yetakchilaridan biri Marko Arnautovich 3 uchrashuvga diskvalifikatsiya qilindi. Rayan Shoukross, Mark Munesa va Yerik Piters jarohat tuzalib safga qaytishgan.

«Lester» yesa olti haftalik tanaffusdan keyin darvozabon Kasper Shmeyxel xizmatidan foydalana olishi mumkin. Danni Simpson diskvalifikatsiya muddatini o'tab qaytdi. Danni Dinkuoter yesa tizzasidan og'riqni bartaraf yetishga ulgurmaydigan bo'ldi.

SANDERLEND — UOTFORD (17 dekabr, 20:00)

Statistika shuni ko'rsatib turibdiki, rodjestvoga qadar premer-liganing so'nggi o'rnini yegallab turgan deyarli barcha jamoa mavsum so'nggida albatta chempionshipga tushib ketadi. «Sanderlend» hozirda aynan shu pog'onada. Ushbu haftada ma'lum bo'ldiki, Devid Moyes yanvarda klubni kuchaytirishga yehtiyoj sezmayapti – jamoaning qishki transferlar uchun byudjeti nolga teng.

Shunga qaramay jamoa Moyes shogirdlari jamoaning 2013 yil 25 dekabrda so'nggi o'rinda bo'lishlariga qaramay yakunda ligada qolishni uddasidan chiqqan va bu tarixni takrorlashga urinib ko'radi. «Uotford» so'nggi 8ta uchrashuvda faqatgina «Everton»ga qarshi uchrashuvni ishonchli o'tkazib g'alaba qozongan.

«Sanderlend» jarohat olgan Yana Kirxgoff xizmatidan foydalana olmaydi. «Uotford» yesa Roberto Pereyraning tizzasidan jarohat olgani uchun uni uzoq muddatga yo'qotdi. Kreyg Ketkartda ham jarohat bor. Ammo Yunus Qobul va Valon Behrami yana maydonga tushishga tayyor bo'lib turishibdi.

VEST HEM — XALL (17 dekabr, 20:00)

So'nggi ikki uchrashuvda qo'lga kiritilgan 4 ochko «Vest Hem»ning kayfiyatini biroz bo'lsada o'nglagani aniq. Autsayderga, so'nggi olti uchrashuvda ketma-ket mag'lubiyatga uchrayotgan jamoaga qarshi o'z uyida kechadigan uchrashuvda «bolg'aurarlar» mag'lubiyatsiz seriyasini davom yettirish uchun yaxshi imkoniyatga yega bo'lishadi. Boz ustiga «Hall» «Vest Hem»ga mehmonga kelgan so'nggi oltita uchrashuvning barchasida yutqazgan.

«Vest Hem» nihoyat Yendi Kerrollning xizmatidan dastlabki daqiqalardan foydalanishi mumkin. «Hall»da yesa Dyumersi Mbokani diskvalifikatsiyadan so'ng safga qaytgan. Uill Kin, Abel Yernandes va Moses Odubadjo yesa uzoq vaqtdan buyon jamoaga yordam bera olmayapti.

VEST BROMVICh — MANChESTER YuNAYTED (17 dekabr, 22:30, UzReport, Match! Futbol 1)

So'nggi haftalarda «Manchester Yunayted»ni aynan «Vest Bromvich» ta'qib qilib kelmoqda. Jamoa ajoyib sport formasiga kirib ulgurgan. «Qizil iblislar» hech bo'lmasa YeChL yo'llanmasiga yega chiqishi uchun barqaror futbol ko'rsatishni boshlashi kerak bo'ladi. Buning uchun «VBA»ning o'z uyida ketma-ket to'rtta uchrashuvdan iborat g'alabali seriyasini davom yettirishiga yo'l qo'ymasliklari lozim bo'ladi. «Vest Bromvich» «Yunayted»ga qarshi so'nggi olti uchrashuvning yarmida g'alaba qozongan. Ungacha yesa 18 uchrashuvda g'alaba nimaligini bilmagandi. Fergyuson davrida, albatta.

«Vest Bromvicha» Jonni Yevansdan foydalana olmasligi mumkin. Kreyg Douson yesa diskvalifikatsiya keyin yana maydonga tushishi mumkin. «Yunayted»da Genrix Mxitaryan hamon tiklanish jarayoniini o'tamoqda va bu uchrashuvni asosiy tarkibda boshlashi so'roq ostida qolmoqda. Yerik Bayi jarohatdan qutulgan. Kris Smolling va Antonio Valensiya ham bu uchrashuvda ishtirok yeta olishi mumkin.

MANChESTER SITI – ARSENAL (18 dekabr, 21:00, UzReport, Match TV)

Uik-endning shubhasiz yeng, yeng markaziy uchrashuvi «Etihad»da bo'lib o'tadi. So'nggi turlarni bir tekisda o'tkaza olmayotgan ikki jamoa «Chelsi»ga qarshilik ko'rsatish uchun kim ko'proq munosib yekanligini isbotlashga harakat qiladi.

Manchesterliklar «Arsenal»ni 2013 yilning 14 dekabridan buyon mag'lubiyatga uchrata olmayapti: 6 uchrashuvdan buyon mag'lubiyatsiz seriyada Venger shogirdlari 2ta yoki undan ko'p to'p kiritishmoqda. Gvardiola va Venger o'rtasidagi to'qnashuvlarda yesa kataloniyalik mutaxassisning qo'li baland kelgan. 4 g'alaba ikki durang, ikki mag'lubiyat.Pep-Siti ketma-ket ikkita mag'lubiyatdan so'ng nihoyat o'tgan turda g'alab qozondi. «Arsenal» yesa 14 tur davom yetgan mag'lubiyatsiz seriyasiga «Everton» yakun yasab berdi. Natijada ikkala jamoa o'rtasidagi farq yana minimum darajada qisqardi. Ammo mezbonlarning bu uchrashuvda muammolari «Arsenal»ni sevimli joyiga qaytara olmasligi mumkin.

Aguero va Fernandino diskvalifikatsiya tufayli o'yinni o'tkazib yuboradi. Kompani jarohati yoniga yendi juda yaxshi sport formasiga kirib ulgurgan Gundo'g'an ham qo'shildi, turk-nemis futbolchisi uchun mavsum butunlay yakunlangani bashorat qilinmoqda. «Arsenal»da shartnomasi uzaytirilmayotganiga qaramay Aleksis Sanches ajoyib formaga kirib olgan. O'zil yesa unga munosib pleymeyker bo'lishda davom yetmoqda. Bir so'z bilan aytganda yakshanba oqshomida bizni fantastik qarama-qarshilik kutmoqda.

EVERTON – LIVERPUL (19 dekabrdan 20 dekabrga o'tar kechasi. Match! Futbol 1. 01:00)

«Arsenal»ga qarshi o'yingacha 10ta uchrashuvda 1 martagina g'alaba qozongan Kuman shogirdlari o'tgan turdagi irodali g'alaba yevaziga chempionatdagi yeng muhim uchrashuv oldidan repetitsiya qilib olishdi. Guye va Berri iborat markaz va hujumdagi Lukakular ko'rsatayotgan o'yin yevaziga «Everton» Klopp qurgan o'yinni buzib yuborishi mumkin. Ammo diskvalifikatsiya tufayli o'yinni o'tkazib yuboradigan markaziy himoyachi Fil Jagelkaning o'rni bilinishi turgap gap.

Qiziq tomoni, mavsumni unchalik ishonchli o'tkazmayotgan bo'lishiga qaramasdan «Everton» o'z uyida mag'lubiyatga uchramagan uchta jamoadan biri bo'lib turibdi. Bundan tashqari «Gudison Park»dagi so'nggi 4ta derbida ham durang natija qayd yetilgan.

«Livyerpul» o'tgan turni hisoblamaganda oxirgi to'rtta uchrashuvda faqatgina bitta g'alabani qo'lga kiritgandi. Jamoa hamon Felipe Koutino xizmatidan foydalana olmayapti. Ammo uning o'rnini Adam Lallana, Sado Mane va Divok Origilarning sermahsul o'yinlari yopib turibdi. Derbida ham aynan shu futbolchilar Klopp jamoasiga chempionlik kurashidagi muhim ochkolarni keltirish uchun harakat qiladi.

— deya xabar beradi Tribuna nashri.

Do`stlarbilan baxam ko`rish: