«Real» jamoasi sardori Serxio Ramos o'z jamoadoshi, kolumbiyalik Xames Rodrigesni tanqid qildi. Ushbu futbolchi klublar o'rtasidagi jahon chempionati finalida «Kashima Antlers»ga qarshi o'yindan keyin bu o'yinda maydonga tushmaganidan ranjigani, qishki transferlar vaqtida boshqa jamoaga o'tib ketishi mumkinligi haqida gapirgandi.
«Bugun shaxsiy muammolar haqida gapiradigan kun yemas. Men Xamesni chuqur hurmat qilaman va umid qilamanki, u biz bilan qoladi. Ammo bugun jamoadan boshqasini o'ylaydigan vaqt yemasdi», — deya Ramosning so'zlarini keltirgan Marca.