Kirish | A'zo bo'lish

O'zbekistonning amaldagi chempioni – Toshkentning “Lokomotiv” futbol klubi 21 dekabrdan yangi mavsum oldidan ilk yig'inini boshladi.

Ta'kidlash joizki, yig'inda ko'rikda bo'lib turgan 2 nafar kot d’ivuarlik legionerlar mavjud. Bular – 23 yoshli markaziy himoyachi Mohamed Gnontcha Kone hamda 19 yoshli hujumchi Gnohere Krizodir. Har ikki futbolchi ham bugungi mashg'ulotda ishtirok etdi. Bu haqda klub rasmiy sayti ma'lum qilgan.

Ertaga jamoa murabbiylar shtabi ushbu futbolchilarning harakatlariga “Olmaliq”qa qarshi o'tadigan o'rtoqlik uchrashuvida baho berib olish imkoniga ega bo'lishadi. Agar Kone hamda Krizoning harakatlari murabbiylarga ma'qul kelsa, ular jamoamizning navbatdagi yig'inlariga ham taklif etiladi.

Qayd etish joizki, Mohamed Kone ilgari Gretsiya, Moldova, Kipr chempionatlarida o'ynashga ulgurgan. Gnohere Krizo esa Belarus va Moldova chempionatlarida harakat qilgan.



Foto: Lokomotiv.uz 



Mohamed Kone


— deya xabar beradi Tribuna nashri.

Do`stlarbilan baxam ko`rish: