Kirish | A'zo bo'lish

«Manchester Siti» jamoasi bosh murabbiyi Xosep Gvardiola APLning navbatdagi turida mersisaydliklar jamoasiga qarshi kechadigan uchrashuv oldidan raqiblar murabbiyi Yurgen Klopp haqidagi fikrlarini bildirib o'tdi.

«Bavariya»da ishlaganida ushbu mutaxassis bilan ko'p bor to'qnashgan Gvardiola uning o'yin uslubi haqidagi fikrlarini bildirib o'tgan.

«Kloppning murabbiylikdagi uslubini «xevi-metal»ga qiyoslash mumkin. Bizning uslublarimiz bir-biriga o'xshamaydi, ammo uning jamoasi ko'rsatadigan o'yin menga juda yoqadi. Ular to'p bilan juda faol muomalada bo'ladi, axir busiz muvaffaqiyatga yerishib ham bo'lmaydi. Ba'zida ular Klayn va Milnerning qanotlaridan keskin hujumlar uyushtirib qolishadi, ammo „Liverpul“ning asosiy hujumlari maydon markazidan amalga oshiriladi. Men dunyoda hali hujumda shuncha ko'p sonli futbolchisi ishtirok yetadigan jamoani bilmayman.

Men Klopp bilan Germaniya chempionatidagi ilk uchrashuvdan ko'p narsa o'rganganman. O'shanda men hali bu chempionatda yangi yedim. U menga saboq bergandi. Biz 2:4 hisobida yutqazgandik. Bizning o'yin uslublarimiz bir-biridan farqli, ammo menga «Liverpul»ning futboli juda yoqadi — bu tomoshabinlar uchun futbol. Ular 3-4 soniyadayoq hujum uyushtira olishadi», — deya Gvardiolaning so'zlarini keltirgan Guardian.

«Liverpul» va «Manchester Siti» uchrashuvi bugun, Toshkent vaqti bilan soat 22:30da boshlanadi.

— deya xabar beradi Tribuna nashri.

Do`stlarbilan baxam ko`rish: