Kirish | A'zo bo'lish

Angliya jamoasi darvozaboni Jo Hart Angliya Premer Ligasiga qaytishi mumkin. The Mirror ma'lumotiga ko'ra, «Liverpul» uni o'z tarkibida ko'rishni istamoqda.

«Manchester Siti» tomonidan «Torino»ga mavsum oxiriga qadar ijaraga berilgan bu 29 yoshli futbolchi o'z jamoasiga qaytgan taqdirda ham asosiy tarkibga kira olmaydi. «Torino» yesa futbolchining maoshi yuqoriligi tufayli u bilan ijara shartnomasini uzaytirmoqchi ham yemas, uni sotib olmoqchi ham yemas.

«Liverpul» yesa darvozabonlar masalasida muammoga duch kelgan va tarkibga tajribali darvozabon qo'shib olishni rejalashtirgan.

Hart A Seriyada muvaffaqiyatli o'yin ko'rsatayotgani Italiyadagi boshqa jamoalarning diqqatini o'ziga tortgan, ammo futbolchining o'zi Angliyaga qaytishni istamoqda.

«Manchester Siti» bilan ushbu darvozabonning amaldagi shartnomasi 2019 yilgacha tuzilgan, uning haftalik maoshi miqdori 120 ming funtga teng.

«Liverpul» bosh murabbiyi Yurgen Klopp oxirgi intervyularida klub darvozabonlari Loris Kariusning APLga moslashishi qiyin kechayotgani va Simon Minole ishonchsiz o'yin ko'rsatayotganiga qaramasdan qishda yangi darvozabon olishni rejalashtirmagani haqida gapirgandi.

Hartning xizmatlariga asosiy darvozaboni Tibo Kurtua Madridning «Real» jamoasiga o'tib ketishi mumkin bo'lgan «Chelsi»dan ham qiziqish mavjud.

— deya xabar beradi Tribuna nashri.

Do`stlarbilan baxam ko`rish: