Kirish | A'zo bo'lish

«Manchester Yunayted» bosh murabbiyi Joze Mourino klub yanvardagi transfer oynasi vaqtida himoyachi xarid qilishni rejalashtirmayotganini tasdiqladi. Bu holat ivuarlik Yerik Beyi Afrika millatlar kubogida ishtirok yetishiga qaramay yuz beradi.

Avvalroq, «MYu» «Benfika»dan Viktor Nilsson-Lindelyofni hamda «Sauthempton»dan Joze Fonteni xarid qilishi mumkinligi xabar qilingandi. Biroq Mourino Fil Jons, Markos Roxo va Kris Smollingga ishonch bildirgan.

«Yanvarda himoyachini o'z tarkibimga qo'shib olamanmi? Yo'q, men Beyini qaytishini kutaman. Umid qilamanki, uch o'yinchi sakkizta uchrashuvda xatosiz harakat qilishadi. 

Men ulardan har biriga ma'lum bir uchrashuvda hordiq berishga intilaman. Shanba kuni bittasi dam oladi, „Xall Siti“ bilan yesa – boshqasi. Biz uch futbolchini navbatma-navbat alishtirib o'ynatamiz.

Bizda Deyli Blind ham to'rtinchi markaziy himoyachi bo'lib o'ynashi mumkin. Shuningdek, Maykl Kerrik bor», - deya Mourinoning so'zlarini keltiradi Mirror.

— deya xabar beradi Tribuna nashri.

Do`stlarbilan baxam ko`rish: