Kirish | A'zo bo'lish

Hujumchi Krishtianu Ronaldu joriy mavsumda ilk marotaba «Real» bosh murabbiyi Zinedin Zidan tomonidan Ispaniya kubogi uchun o'yinga taklif oldi. Bu haqda «Qirollik klubi» matbuot xizmati xabar qilmoqda. 18 yanvar kuni «qaymoqranglilar» o'z maydonida musobaqa chorak finalining ilk o'yinini «Selta»ga qarshi o'tkazadi. 

So'nggi marotaba Ronaldu Ispaniya kubogi o'yinida 2015 yil 15 yanvarda to'p surgan. O'shanda, «Real» «Atletiko»ga qarshi maydonga tushgan. 2:2 hisobidagi durang natija bilan tugagan o'yinda portugaliyalik hujumchining goli «qaymoqranglilar»ni mag'lubiyatdan saqlab qolgan yedi. Ammo, birinchi o'yindagi g'alaba sababli, raqib jamoa keyingi bosqichga yo'l olgandi. 2015/16 yilgi mavsumda «Real» Ispaniya kubogining 1/16 bosqichidayoq, musobaqadan chetlashtirildi. Bunga, «Kadis» bilan o'tkazilgan o'yinda maydonga tushish huquqi bo'lmagan Denis Cherishevning o'ynagani sabab qilib ko'rsatilgandi. 

Shunday qilib, «Selta» bilan o'yinga: Navas, Kasilya, Yanes, Ramos, Varan, Nacho, Marselo, Danilo, Kroos, Kovachich, Kasemiro, Modrich, Isko, Asensio, Ronaldu, Benzema, Vaskes, Mariano, Moratalar chaqirilgan.

Daniel Karvaxal dam olish imkoniga yega bo'lgan, Pepe, Fabiu Koentrau, Garet Beyl va Xames Rodriges jarohatlardan davolanmoqda. 

— deya xabar beradi Tribuna nashri.

Do`stlarbilan baxam ko`rish: