Kirish | A'zo bo'lish

«Real» jamoasi bosh murabbiyi Zaynidin Zidan Ispaniya Kubogining 1/4 finali doirasida «Selta»ga qarshi kechadigan uchrashuv oldidan jurnalistlar bilan gaplashdi.

«Bu klub yangi yildagi barcha uchrashuvlarida g'alaba qilsa ham hayron bo'lmayman. «Selta» – juda yaxshi jamoa, bu jamoa har o'yinda kurash olib boradi va a'lo futbol namoyish yetadi. «Real» ham o'z navbatida o'z maqsadlari haqida o'ylashi kerak. Bizni Kubokdagi yana bir og'ir uchrashuv kutmoqda», degan murabbiy.

Jurnalistlar unga Primeraning o'tgan turida «Sevilya»ga qarshi kechgan o'yin haqida savol berishgan. Andalusiyaliklar klubi bu uchrashuvda 2:1 hisobidagi g'alabaga yerishib, «Real»ning 40 uchrashuvdan iborat mag'lubiyatsiz seriyasini yakunlagandi.

«Men bu uchrashuvda tarkibda 4 o'zgarish amalga oshirgandim. Ha, safga qaytgan futbolchilar bor, ammo jamoaga Garet Beyl, Pepe va Fabio Koentrau yetishmayapti. Ular jarohatdan tiklanishda davom yetishmoqda. Men kundan kunga kimni maydonga tushirish haqida ko'proq o'ylamoqdaman va bu yaxshi.

Yakshanba kungi o'yinda futbolchilarim shunchaki «yo'qolib» qoldi. Hozir nega bunday bo'lganini tushunib olishimiz va bundan keyin bunaqa uchrashuv o'tkazmaslikka harakat qilishimiz kerak. Har qanday vaziyatda ham «Real» o'z kuchiga ishonadi.

Hatto shunday o'yindan keyin ham men jamoada hech narsani o'zgartirmoqchi yemasman. Albatta men g'alabali seriyamiz davom yetishini istagandim, ammo nimadir o'xshamadi va biz bu bilan shug'ullanamiz.

Barcha yaxshi biladiki, futbolda mag'lubiyatdan qochib qutulib bo'lmaydi. Qachondir bu ro'y berishi kerak yedi. Yendi hech narsani o'zgartirib bo'lmaydi, men muxlislarimizdan jamoani qo'llab-quvvatlashda davom yetishlarini so'rayman. Kimki «Real»ning haqiqiy muxlisi bo'lmasa, u albatta bizni tanqidlarga ko'msin, biz bunga tayyormiz. Biz to'g'ri yo'ldaligimiz ayon», degan frantsiyalik mutaxassis.

U «Sevilya»ga qarshi o'yinda «Real»ning o'yin sxemasida kuzatilgan ba'zi o'zgarishlar xususida so'zlagan.

«Siz bilasizki, biz ilk marta buni sinovdan o'tkazmayapmiz. Jamoa turli sxemalarda o'ynay oladi. Agar xotiram pand bermasa, «Real» 3ta o'yinda noodatiy tarzda 3 markaziy himoyachi bilan o'ynagandi. Biz «Sevilya» bilan bu o'yinga qadar ichki chempionat va Kubok doirasida bir martadan uchrashuv o'tkazgandik. Shu tufayli men boshqacha sxemada o'ynashim kerak yedi. Ba'zida raqibingni hayratlantirishing kerak bo'ladi», degan Zidan.

Zidan «Selta»ga qarshi o'yinda Krishtianu Ronalduning o'ynash-o'ynamasligi haqidagi savolga ham javob qaytargan.

– Bu masala bugun hal yetiladi. Albatta u o'ynashni istaydi, ammo Ronaldu dam olishi kerak bo'lsa, unga dam beriladi.

«Real» bosh murabbiyi o'z vatandoshi, keyingi vaqtlarda ko'p bor tanqidga uchrayotgan Karim Benzemani himoya qilishiga to'g'ri kelgan:

«Har kim o'z qarashiga yega. Ammo bir narsani ye'tibordan chiqarmang: o'yin 90 daqiqa davom yetadi. Siz butun o'yin davomida xatosiz harakatlana olmaysiz. Kontsentratsiya yetishmasligi haqida aytishingiz mumkin, ammo bu mavsumda «Real» faqat 5 yomon daqiqa o'tkazdi. Hakam o'yin yakunlangani haqidagi hushtagini chalmagunicha, istalgan narsa ro'y berishi mumkin», – deya qayd yetgan Zidan.

«Real» va «Selta»ning Ispaniya Kubogining 1/4 finali doirasidagi birinchi uchrashuvi Madridda, 19 yanvarga o'tar kechasi bo'lib o'tadi.

— deya xabar beradi Tribuna nashri.

Do`stlarbilan baxam ko`rish: