«Arsenal» APLning 23-turida «Uotford»ga mag'lub bo'ldi. Londondagi «Emireyts — Yeshberton Grouv» stadionida kechgan uchrashuvda mehmonlar 2:1 hisobida g'alaba qozonishdi.
O'yinning 10-daqiqasida Tom Kleverli standart vaziyatdan to'pni Yunus Qobulga yetkazib berdi va u to'pni darvozaga aniq yo'lladi. O'yinning 13-daqiqasida yesa Yeten Kapu «kanonirlar» jamoasi jarima maydoniga kirib zarba berdi, Petr Chex qaytargan to'pni Troy Dini darvozaga kiritib yubordi - 2:0.
Ikkinchi bo'limda mezbonlar bitta javob goli urishdi, gol muallifi Aleks Ayuobi.
Yana bir uchrashuvda «Tottenhem» va «Sanderlend» uchrashib, 0:0 hisobida durang o'ynadi. «Kristal Pelas» «Bornmut»ni yengdi (2:0), «Midlsbro»va «Vest Bromvich Albion» ham durangga kelishdi (1:1), «Lester» «Byornli»ga yutqazdi (0:1), «Suonsi Siti» yesa «Sauthempton»dan ustun keldi (2:1).
Endilikda turnir jadvalida Pochettino va Arsen Venger shogirdlari 47tadan ochko jamg'argan holda ikkinchi va uchinchi o'rinlarni bo'lishib turibdi.
23-tur doirasida bugun yana 3ta uchrashuv o'tkaziladi: «Vest Hem» – «Manchester Siti», «Stok Siti» – «Everton», «Manchester Yunayted» – «Hall».