«Bavariya» Germaniya chempionatining 19-turi doirasida «Shalke 04»ni qabul qildi. Myunxendagi «Alyants-Arena» stadionida kechgan uchrashuvda 1:1 hisobi qayd yetildi.
O'yinning 9-daqiqasida Robert Levandovski Arturo Vidal uzatgan to'pni gilzenkirxenliklar darvozasiga yo'llab jamoasini hisobda oldinga olib chiqqandi, ammo 4 daqiqa o'tib Naldo jarima zarbasini golga aylantirib, hisobni tenglashtirdi.
O'yin oxirigacha shu hisob o'zgarmay qoldi.
Endilikda «Bavariya» 46 ochko to'plagan holda turnir jadvalida birinchi o'rinda, «Shalke» 22 ochkosi bilan 11-pog'onadan joy olgan.