Kirish | A'zo bo'lish

"Manchester Yunayted" hamda "Sauthempton" o'rtasidagi Angliya Liga kubogi finalini Andre Marriner boshchiligidagi hakamlar brigadasi boshqaradi, deb yozmoqda Sky Sports. Bosh Marrinerga qanotlarda Richard Uest hamda Styuart Bart yordamlashsa, zaxiradagi hakam qilib Kevin Frend tayinlandi. 

Uchrashuv 26 fevral kuni, Londondagi "Uembli" stadionida bo'lib o'tadi. 

46 yoshli Marriner joriy mavsum APLda 18ta uchrashuvni boshqargan va ularda 67ta sariq hamda 1ta qizil kartochka ko'rsatgan, shuningdek, 4ta penalti belgilagan. 

"MYu" bosh murabbiyi Joze Mourino APLning 12-turida "Arsenal"ga qarshi kechgan bahsdan so'ng, Andre Marriner o'yinda manchesterliklar futbolchisiga ishlatilgan qo'pollik uchun penalti belgilamagan bo'lsa-da, kutilmaganda uchrashuv hakami haqida iliq fikrlar bildirgan yedi.  

"Marriner – ajoyib inson va halollik tarafdori bo'lgan hakam. U har doim o'z ishidagi muvozanatni saqlab qolishga harakat qiladi.

Mening Marrinerga munosabatim juda yaxshi. U bizning jamoamiz foydasiga qarshi o'laroq xato qilganida buni oldindan reja qilib bajarmaydi.

Bu penalti yedimi yoki yo'q – bir necha marotaba takroriy lavhalarni ko'rgach, bilib oldim. Ammo bu haqda gapirmoqchi yemasman. Faqat hakam o'yinni boshqarishda yaxshi tomondan o'zini ko'rsata olganini tasdiqlashim mumkin", – degan yedi portugaliyalik mutaxassis. 

— deya xabar beradi Tribuna nashri.

Do`stlarbilan baxam ko`rish: