Kirish | A'zo bo'lish

«Manchester Siti» jamoasi bosh murabbiyi Xosep Gvardiola YeChLning 1/8 finali doirasida «Monako»ga qarshi kechadigan uchrashuv oldidan qayd yetib o'tdiki, u monegasklar hujumchisi Radamel Falkao yana kuchli o'yin namoyish yeta boshlaganidan xursand. Bu jamoaga qarshi birinchi uchrashuvni Gvardiola shogirdlari 21 fevral kuni Manchesterda o'tkazadi.

«Menda „Monako“ ko'rsatayotgan o'yinlar haqiqatdan ham kuchli taassurot qoldirmoqda. Qanot himoyachilari vingerlardan qolishmaydi. Ular jarima maydoni hududida qotillar kabi harakat qilishadi. „Monako“ning ikki tayanch yarim himoyachisi ham — aqlli, jismoniy jihatdan kuchli futbolchilar. Bu har tomonlama mukammal qurilgan va Yevropadagi yeng ko'p gol urgan jamoalardan biri. Qur'a bizga qiyin raqibni ro'baru qildi. 

Agar raqamlar haqida gapiradigan bo'lsak, „Monako“ har o'yinda qancha vaziyatlar yaratmoqda va qancha gol urmoqda. Golli vaziyatlar yaratish bo'yicha o'rtacha ko'rsatkich juda yuqori — bu jamoa gol urishi uchun juda ko'p vaziyatlar yaratilishi ham talab yetilmaydi. Qanotlardagi Lemar va Bernardu Silva yesa shunchaki qoyilmaqom futbolchilar. Hujumkor futbolchilar o'z ishlarini bajarishmoqda, qanot himoyachilari yesa o'yin davomida 30-40 marta oldinga 40 metr masofaga yugurishlarni amalga oshirishadi. Bundan tashqari, „Monako“da tajribali darvozabon bor. Menda bu jamoa juda yaxshi taassurot qoldirgan. Men ularning o'yinini tomosha qilishdan zavq olaman.

Cho'qqiga qaytish uchun vaqt talab yetiladi. Falkaoda bir necha bor noxush jarohatlar bo'ldi. „Monako“ning o'yin uslubi yesa unga mos, bu jamoa asosan qanotlardan hujum qiladi va to'p jarima maydoniga havolatib yetkazib beriladi. Men Falkao yana avvalgidek o'ynay boshlaganidan xursandman. U katta professional va zo'r yigit. U yana avvalgidek ko'plab gollar urayotganidan mamnunman», — deya Gvardiolaning so'zlarini keltirgan UEFA sayti.

— deya xabar beradi Tribuna nashri.

Do`stlarbilan baxam ko`rish: